મહાત્મા ગાંધી બાપુ...

જુઓં ગાંધી બાપુ પાસે સત્યાગ્રહ કેરું હથિયાર છે,
તેની આગળ અંગ્રેજ સલ્તનત કેવી લાચાર છે.
નથી પાછો પડતો કોઈ વાતે ને વિચારે એ,
ખરેખર એ તો ભારતની આઝાદીનો પહેરેદાર છે.

સરદાર વલ્લભભાઈ પટેલ ...

મુજ નાવ પર દરિયાના કેટલા બધા ઘાવ છે,
તોફાનો સાથે લડવાનો મારો સ્વભાવ છે.
નથી દુનિયાના વૈધો પાસે મારા દર્દની દવા,
મારા શર પર એકતા અખંડીતતાનો તાવ છે.

સુભાષચન્દ્ર બોઝ

સુભાષ તારું નામ ને કામ સૌને યાદ છે,
પરભોમથી લલકાર કર્યો એ નિર્વિવાદ છે.
કદાપિ ભુલાશે નહિ તું હિન્દ તણી ભૂમિ પર,
આઝાદ હિન્દ ફોજના નામથી જિંદાબાદ છે.

જવાહરલાલ નહેરુ...

જવાહર તું અનમોલ ઝવેરાત હીર છે,
શાંતિના પ્રતિક તણું લાજવાબ તીર છે.
દુનિયાના નેતાઓ સાથે કરી મિત્રતા,
પંચશીલ સિધ્ધાંત તણો ખરો વીર છે.

રાષ્ટ્ર ધ્વજ ......

વિશાળ ગગને એ લહેરાતો અમારી જાન છે,
તારા રક્ષણ કાજે તો હજારો જીવ કુરબાન છે.
છે ત્રિરંગા સાથે અશોકચક્ર એ બેમિશાલ,
ભારત ભાગ્ય વિધાતાની આન,બાન, શાન છે.

શહીદોને સલામ....

બળવંતા અને બળુકા એ શહીદોને સો સલામ છે,
શહીદોની શહાદતથી આજે આઝાદીનો આરામ છે.
ટાઢ , તાપ ને વરસાદમાં સરહદના સીમાડે
દેશરક્ષા માટે ઝઝુમતા વીરોને દેશના પ્રણામ છે.

"સ્વપ્ન" જેસરવાકર ( ગોવિંદ પટેલ )