બ્રિટન....
જેનો સૂર્ય કદી આથમતો નથી એ આજે ક્યાં છે,
બની ગયા બેહાલ પણ ,રાજાશાહી હજુ ત્યાં છે.
બની ગયું છે દેવાદાર, બ્રિટન વિશ્વસત્તામાં ક્યાં છે,
છે એકલું ને અટુલું, યુરોપીયન યુનિયન જયાં છે.

અમેરિકા....
જગત તાત બનવાની,ઘેલછા થઈ છે ધૂળધાણી,
મોઘવારી અને બેકારી, અર્થતન્ત્ર ભરાવે છે પાણી
અફગાન, ઈરાક ઈરાનમાંને બીજે સેના ગઈ ઘેરાણી ,
નાના નાના દેશો હવે તો, લાવી દે છે આંખમાં પાણી.

રશિયા....
હથોડી ને દાતરડું ગયું છે હવે તો ઘસાઇ,
સોવિયેત યુનિયન બિરાદરી પડી છે ભરાઈ.
રાજ્યોના ટુકડા થયા ને એકતા ગઈ વિસરાઈ,
સમેટાઈ ગયું સામ્રાજ્ય ને સીમટાઈ રહી મોટાઈ .

પાકિસ્તાન.....
ઝીણાની જીદ બેકાર બની, થઈ ગયું છે બેહાલ,
લોકશાહી કદીના સ્થપાઈ ને રહી ગયું કંકાલ .
લશ્કરે કાયમ રાજ કર્યું , પ્રજાએ ના કરી કમાલ,
ભય, ભૂખ, આતંકવાદ સાથે ,કાયમ રહી જંજાલ.

ભારત...
અંગ્રજોએ બેહાલ કર્યા ને, ઉપરથી પાકિસ્તાન,
છતાંયે ઉઠીને ઉભો થયો એતો છે હિન્દુસ્તાન.
વિકાસ કર્યો , વિશ્વાસ કર્યો , દિલ જીત્યાં જગજન ,
સર કર્યા ઘણા ક્ષેત્રો , અને સર કર્યું છે ગગન .

"સ્વપ્ન" જેસરવાકર ( ગોવિંદ પટેલ )