આજ કાલ ક્યાં શુદ્ધ જીવન મળે છે,
અરે ક્યાં શુદ્ધ જળ ને અન્ન મળે છે.
જે પીતા'તા માટલાનું પાણી જ,
આજ બિસલરી ને એરોહેડ પીએ છે.
શુદ્ધ દૂધ-ઘી ને માખણ છે દુર્લભ,
એ ડેરી અને કોલ્ડસ્ટોરેજમાં મળે છે.
ક્યાં એ ગૌરવ ભર્યા કપડાની ફેશન ?
હવે તો ફાટેલાં જીન્સ ફરતા લાગે છે.
કયાં છે દેશદાઝ ને દેશપ્રેમની વાતો ?
આ નેતાઓના મડદાં ફરતા લાગે છે.
થયાં "સ્વપ્ન" ગીત-સંગીત ને ભજનો,
ઘર અને કારમાં પોપ સંગીત વાગે છે.
સ્વપ્ન જેસરવાકર ( ગોવિંદ પટેલ )